اتنين علي السريع وصلحوه

( يا انا يا هو )

مرة واحد غلس راح عند دكتور الاسنان

الغلس : شايف يا دكتور الضرس ده

الدكتور : اه شايفه

الغلس : شيل كل الضروس الي حواليه وسيبه لوحده كده زي الكلب ..... ويوريني هيعمل ايه من غير اصحابه ....... ويا انا يا هو

( عندما نتالق في امور الدين )

شئ جميل ان نتدبر في امور الدين ونعرف اللي علينا اتجاه دينا
....... لكن في بعض الناس جابت لشيخ في اد برامج الفتاوي اشئلة غير متوقعه

مثلا

المتصل الاول

المتصل : قلي يا عم الشيخ هل ينفع ادخل الحمام وفيه قران في الذاكرة بتاعه الموبايل

الشيخ : عادي يا بني طالما مش موجوده غلي رنه الموبايل ادعية او قران خلاص

المتصل : ازاي يا عم الشيخ بقولك قران

الشيخ : يا بني بقولك عادي

وبعد شد وجذب بين المتصل والشيخ استمر لربع ساعة

الشيخ : انته حافظ قران يا بني

المتصل : ايوه حافظ اربع اجزاء

الشيخ : طيب لما تدخل الحمام ... ابقي طلع دماغك من بره

المتصل التاني

المتصل : لو الواحد طلق مراته وهو متعصب ، الطلاق ده يحسب وله ميحسبش

الشيخ : ده علي اساس اللي بييطلق مراته بيقوله انتي طالق وهو بيضحك

المتصل : ما انا عارف يا عم الشيخ .......... بس كنت بختبرك

المتصل التالت

المتصل : هو لحم البطريق حلال ولاه حرام

الشيخ : ليه يا بني انته اكلته قبل كده من غير ما تعرف

المتصل : لا ابدا من باب المعرفه

الشيخ بغيظ : طيب يا حبيبي لما تلاقيه ابقي اقولك حلال ولاه حرام

المتصل الرابع

المتصل : لو روحت كوكب القمر يا شيخ ازاي اعرف اتجاه القبلة

الشيخ : لما تروح ابقي رن عليا من هناك وانا اقولك

وشكرا